Mohamed Salah: Rutahizamu wa Liverpool ni we 'mukinnyi wa mbere mwiza' ku isi – Jurgen Klopp
Ahavuye isanamu, PA Media
Umutoza wa Liverpool Jurgen Klopp yavuze ko Mohamed Salah ari we mukinnyi "wa mbere mwiza" ku isi nyuma yuko uyu Munya-Misiri yitwaye neza mu mukino wo ku wa gatandatu banyagiyemo Watford iwayo ibitego 5-0.
Salah yasunikiye Sadio Mané umupira yinjiza igitego cya mbere, na we atsinda igitego cya kane acenze ba myugariro ba Watford.
Klopp yabwiye igitangazamakuru BT Sport ati: "Ari hejuru. Twese turabibona. Ni nde mwiza kumurusha"Abantu barimo guhinga ku nkombe y'uruzi Congo i Brazzaville, ku itariki ya 26 Ukwakira (10) mu 2023, mu gihe ku rundi ruhande rw'uruzi haboneka umurwa mukuru Kinshasa wa Repubulika ya Demokarasi ya Congo. " loading="lazy" style="aspect-ratio:1024 / 576" class="bbc-139onq"/>
End of Ibisomwa cane
Igitego yatsinze Watford - akoropye ba myugariro benshi bayo mbere yuko yohereza ishoti mu nguni y'izamu - yagitsinze mu buryo bumwe n'icyo yatsinze mu mukino uheruka kubahuza na Manchester City, icyo cyo muri uwo mukino na City Klopp yavuze ko kizakomeza kwibukwa n'abafana ba Liverpool "mu gihe cy'imyaka 50 cyangwa 60 iri imbere".
Klopp yongeyeho ati: "Ni umukinnyi ushobora kudukorera ibi bintu".
Igitego cya Salah ku mukino na Watford cyatumye anganya ibitego n'Umunya-Côte d'Ivoire wahoze akinira Chelsea Didier Drogba, nk'umukinnyi w'Umunyafurika wa mbere watsinze ibitego byinshi mu mateka ya Premier League, ubu agize ibitego 104.
Ahavuye isanamu, Getty Images
Mané, rutahizamu mugenzi we wa Liverpool, na we igitego cye cyatumye ageza ku bitego 100 amaze gutsinda muri Premier League, yongeyeho ati: "Mo ni umwe mu bakinnyi beza ku isi. Kiriya gitego mwebwe kirabatunguye ariko buri gihe twe turakibona mu myitozo".
Uretse Luka Modrić mu 2018, Lionel Messi cyangwa Cristiano Ronaldo ni bo bonyine batsindiye igihembo cy'umukinnyi urusha abandi ku isi mu mupira w'amaguru cya Ballon d'Or kuva mu mwaka wa 2008.
Ariko Klopp yemeza ko uyu Munya-Misiri w'imyaka 29 arimo kurenga abo bombi muri iki gihe.
Ati: "Ntiducyeneye kuvuga ku byo Messi na Ronaldo bakoreye umupira w'amaguru ku isi no kuwiharira kwabo. Ariko ubu, [Salah] ni we wa mbere mwiza.
"Ndamubona buri munsi. Hari abantu nka [Robert] Lewandowski na Ronaldo na Messi na [Kylian] Mbappé, ariko muri aka kanya rwose ari hejuru kuri urwo rutonde".
Avugira kuri BBC One, Martin Keown wahoze ari myugariro w'ikipe y'igihugu y'Ubwongereza yemeranyije n'igitekerezo cya Klopp, agira ati: "Pasi Mo Salah yasunikiye Sadio Mané ntabwo ari iyo kuri iyi si. Turimo kubona Salah wo ku rwego rwa Lionel Messi".
Claudio Ranieri, umutoza wa Watford yanyagiwe na Liverpool, yongeyeho ati: "Mo Salah ni umwe mu bakinnyi beza ku isi, niba [ahubwo] atari we wa mbere mwiza. Buri kintu cyose akozeho ni igitego".
