BBC News, پښتو - کور پاڼه

تهران کې د افغان کډوالې کبرا رضايي د قتل په تړاو شکونه او "چوپتیا"

تهران کې د افغان کډوالې کبرا رضايي له وژنې وروسته، سرچینو له نوم ښوولو پرته بي‌بي‌سي ته ویلي، چې د هغې کورنۍ او وکیل د ایران د امینتي چارواکو له "سخت" فشار سره مخ دي. داسې چې باید د دې قتل په تړاو له رسنیو سره خبرې ونه کړي.

د ایران او اسرائیل د ځواک پرتلل، د ایران ځواک له اسرائیل سره څنګه پرتللی شو؟

اسرائیل د جمعې په ورځ د ایران په لر و بر کې بریدونه وکړل او ویې ویل چې د ایران په خاوره کې یې یو "دقیق او مخنیوی کوونکی" برید پیل کړی، چې هدف یې د ایران د اسلامي جمهوریت پر اټومي او پوځي پروګرامونو ګوزار کول دي. په غبرګون کې، د ایران د وسله‌والو ځواکونو د عمومي قوماندانۍ ویاند ابوالفضل شکارچي اسرائیل ته د "پرېکنده ځواب" ګواښ وکړ او ویې ویل چې دغه هېواد دې ډاډه وي چې "ډېر دروند تاوان به ور واړوي".

ژوندۍ پاڼه, هند کې د لوېدلې الوتکې ۲۱ کلنه کوربنه: 'هغه په ​​کورنۍ کې لومړۍ نجلۍ وه چې موږ پرې ویاړو'

د هند لومړی وزیر نریندرا مودي په احمد آباد کې د ایر انډیا د الوتکې د غورځېدو ځای ته تللی وو او په روغتون کې یې له ټپیانو سره لیدلې دي. د لندن پر لور روانه الوتکه کې د ۲۴۲ کسانو له ډلې یو ژوندی پاتې دی او نور ټول وژل شوې دي.

د امریکا د تېلو بندیزونو روسیه او ایران څومره تر فشار لاندې راوستي؟

امریکا پر روسیې او ایران دواړو بندیزونه پراخ او د دغو هېوادونو تر ټولو ګټور صادرات - یعنی تېل یې هدف ګرځولي دي. په دغو بندیزونو کې د ایران او روسیې د "سیوري بېړیو" ټانکرونو په نښه شوي چې د څرک لګول یې ګران دي او دغو هېوادونو په غیر قانوني ډول د تېلو لېږدولو لپاره کارولي دي. چین د روسیې او ایران د تېلو ستر پېرودونکی دی او د امریکا دا بندیزونه یې دغه هېواد ته د تېلو صادرات کموي. دغه ګام په وروستیو اونیو کې د نړۍ په نورو برخو کې هم د تېلو کمښت رامنځته کړی او د تېلو بیې ورسره لوړې شوې دي. د ټرمپ اداره ښايي د روسیې او ایران د تېلو پر صنعت نور نوي او سخت بندیزونه هم ولګوي، چې دا ګام د تېلو بیې نورې هم لوړولی شي.

پر ايران کوم بنديزونه لګېدلي او څرنګه ترې ځان ساتي؟

ايران کې د تېلو صادرات وروسته له هغه کم شوي چې د امریکا ولسمشرانو ډونلډ ټرمپ او جو بايډن په وروستيو مياشتو کې پرې بنديزونه ولګول. ټرمپ ويلي، غواړي د ايران د تېلو صادرات "صفر" ته راټيټ کړي تر څو ايران مجبور کړي چې خپل اتومي پروګرام کنټرول کړي. دا د ټرمپ د هغه "لوړې کچې فشار" د پاليسۍ دوام دی چې د ولسمشرۍ په تېره دوره کې يې پر ايران لګولی و.

درس